Türkiyənin Antalya vilayətinin Kemer ərazisində meşə yanğını baş verib.
AZXEBER.COM Türkiyə mediasına istinadən xəbər verir ki, yanğın bu gün saat 10:30 radələrində Değirmendere məhəlləsində yerləşən Milli Park ərazisində başlayıb.
Hadisə yerinə dərhal müdaxilə edilib. Yanğının söndürülməsi üçün ilkin mərhələdə 2 helikopter, 2 təyyarə, 5 yanğınsöndürən maşın, 2 su təminat maşını və çox sayda yanğınsöndürən işçi cəlb olunub.
Yanğının nəzarət altına alınması üçün işlər davam etdirilir.
