"Tamaşaçı efirdə o qədər nadürüst, "bambılı", səviyyəsi aşağı insan görür ki, mən nəyisə düz danışanda deyirlər Aqşin aqressivdir".
AZXEBER.COM xəbər verir ki, bu sözləri Aqşin Fateh "Tarixin bir günü" verilişində deyib.
Meyxanaçı sənəti tərk edəcəyini açıqlayıb:
"Mən şou-biznesdən iyrənirəm. Bir dəfə getmişdim, 12 ildən sonra geri qayıtdım. Amma bu yaxın müddətdə birdəfəlik uzaqlaşmağı düşünürəm. Özümü artıq burada görə bilmirəm. Nə sənət qalıb, nə gündəm qalıb, işimdən zövq ala bilmirəm. Mən baxıram ki, sənətdən xəbəri olmayan biri çıxır mənim sənətimdən danışır. Mən danışdığımı bilən və arxasında duran adamam. Kütlənin zövqü dəyişib. Burada qəzəl desəm baxan olmayacaq, amma qalmaqal edim hər kəs yazacaq. Şou-biznes budursa, burada yüngüllüyə qalmaqala qiymət verilirsə, mən burada omaq istəmirəm".
Aysel
