İspan jurnalist Tomas Roncero Arda Gülərin transferinin pərdəarxasında yaşananları açıqlayıb.
AZXEBER.COM İspan mediasına istinadən xəbər verir ki, "Real Madrid"in baş məşqçisi Karlo Ançelottinin şəxsən Ardaya zəng edərək komandada vaxt verəcəyini və ona üstünlük verəcəyi təqdirdə hansı rolu oynayacağını dediyi bildirilib.
"Real Madrid" tarixində Nuri Şahin, Hamit Altıntop və Məsut Özildən sonra 4-cü türk futbolçu olan Arda Gülər üçün '"ilk tam türk" ifadəsini işlədən Roncero Valdebebasda 18 yaşlı gəncin yaratdığı inqilaba diqqət çəkib.
Jurnalist futbolçu haqda "Arda topu tutanda sanki "Tsubasa" cizgi filminin bir hissəsindən çıxıb" deyib.
Roncero yazısının davamında Arda Gülər haqqında daxili məlumatları çatdırıb.
"Klub rəhbərliyindən mənə dedilər ki, o, topla bizi heyrətləndirən işlər görür. Bernabeu ona aşiq olacaq".
Üstəlik, "Barselona”nı rədd edib "Real Madrid”i seçəndə Arda Gülər Merengues azarkeşləri üçün yenilməz hala gəlib.
Ancaq bu transfer haqqında bilmədiyimiz bir məqam var.
"Hər kəsin bildiyi kimi, Barça Dekonu şəxsən İstanbula Gülər və atası ilə sövdələşməyə göndərdi. Deko Ronaldinyonun Barça ilə qızıl çağında əla oyunçu idi və onun sadəcə varlığının Ardanı valeh edəcəyini düşünürdü. Ançelotti də elə burada həmin addımı atdı.
Jurnalist Arda Gülərin transferində Ançelottinin rolunun böyük olduğunu söyləyib:
"Avropanın ən uğurlu məşqçisi olan Ançelotti şəxsən Ardaya zəng edib. Arda heyrətlənmişdi. Arda Karlo ona "Bizimlə gəlsən, sənə vaxt verəcəm" dedikdə eşitdiklərinə inana bilməyib.
Mikayıl
