Türkiyə millisinin və Başakşehir klubunun futbolçusu Arda Turan sosial şəbəkədəki paylaşımı ilə müzakirələrə səbəb olub.
Futbolçu həyat yoldaşı Aslıhan Doğanın onun ayaqlarını yuduğu şəklini paylaşaraq fotoya "Yeni fizioterapevtim” sözlərini yazmış, bu paylaşımı gündəm olmuşdu.
Tənqid hədəfi olan A. Turan sosial şəbəkədə açıqlama yayaraq xanımına ayaqlarını yudurtmadığını bildirib:
"Dizimə buz qoymuşam, ona kömək edir. Buna görə də xanımıma fizioterapevtim deyirəm...Ayağım da buzdolu vedrənin içərisindədir. Zarafat, gülmək, əyləncə bəs? Baxdığımızı nə zamandan etibarən görməz olduq?! Nə ayaq yudurtması?..Allah ağıl versin. Belə məqamda "Allah şəfa versin” deyərlər”.
///Qafqazinfo.az
