Argentinada keçirilən ümumi seçkilərdə heç bir namizəd kifayət qədər səs toplamadığından ikinci tur seçkilər prezidenti müəyyən edəcək.
AZXEBER.COM xarici mediaya istinadən xəbər verir ki, qutuların 90%-dən çoxunun açıldığı seçkilərin ilk nəticələrinə görə, hazırkı iqtisadiyyat naziri Sergio Massa ilk turu 36% ilə qabaqda tamamlayıb.
Avqustun 13-də ölkədə keçirilən ilkin seçkilərdə ən yüksək səsi toplayan Azadlıq İnkişafı (La Libertad Avanza) partiyasının namizədi və ifrat sağçı Javier Milei 30% səslə ikinci yerdə qərarlaşıb.
Ana müxalifət birliyinin namizədi Patrisiya Bullriç 23% səslə reytinqdə 3-cü yerdə qərarlaşıb.
Sıralamanı 7,04%-lə "Ölkəmiz üçün edək” Partiyasının namizədi Kordoba əyalətinin qubernatoru Xuan Şiaret, 2,66%-lə Sol və İşçi Cəbhəsinin namizədi fəalı Myriam Breqman izləyib.
Beləliklə, prezident seçkilərində qalib gələn namizədin noyabrın 19-da keçiriləcək ikinci tur seçki ilə müəyyənləşəcəyi bəlli olub.
Ayşən
