Döyüş bölgəsinə çevrilən Haitidəki təhdidlərə görə martın 5-dən Puerto Rikoda gözləyən baş nazir Ariel Henri vəzifəsindən istefa verib.
AZXEBER.COM xarici mətbuata istinadən xəbər verir ki, baş nazir Ariel Henri Haitidə quldur dəstələrinin törətdiyi zorakılıq və gərgin etirazlardan sonra tutduğu vəzifədən istefa verib.
Henrinin istefası ilə "BBQ” ləqəbli keçmiş polis məmuru Cimmi Çerizier quldur dəstələrinin lideri və "ölkənin ən güclü adamı” oldu.
Cherizier, yeni rəhbərin Haiti xalqı tərəfindən seçilməli olduğunu müdafiə edərək, "Bu, dinc deyil, qanlı bir inqilabdır, çünki biz aparteid sistemində yaşayırıq" dedi.
Qayana Prezidenti və Karib Hövzəsi İcmasının (CARICOM) sədri İrfaan Əli açıqlamasında bunları deyib: "Müvəqqəti prezident şurasının yaradılması və müvəqqəti baş nazirin təyin edilməsi ilə bağlı razılaşmadan sonra baş nazir Arielin istefasını qəbul etdik".
Qeyd edək ki, Haitinin eks-prezidenti Jan-Bertran Aristidin (2001-2004) devrilməsində iştirak edən, bu ilin yanvar ayında baş nazir Ariel Henrinin istefası tələbi ilə kütləvi etiraz aksiyalarına çağıran keçmiş üsyançı lider Gi Filipp baş nazirə ölkəyə qayıtmamağı və istefa verməyi tövsiyə etmişdi.
Gülay
