“Mənə qarşı səslənən fikirlər tamamilə yalandır”.

Bu sözləri AZXEBER.COM-a açıqlamasında Müsavat Partiyası Mərkəzi İcra Aparatının rəhbəri Arif Hacılı söyləyib. 

O, jurnalist Xədicə İsmayılovanın ABŞ kəşfiyyatçılarına verdiyi “casus hesabatı”nda adının səslənməsini münasibət bildirib.

Arif Hacılı ona qarşı səslənən iddiaların yalan olduğunu deyib:

“Xədicə İsmayılovanın bu tip yalan informasiyaları əgər xarici kəşfiyyata veribsə, bu onun şəxsi keyfiyyətini və əsl mahiyyətini ortaya çıxarır. Ancaq o öz “facebook” səhifəsində bu iddianı təkzib edib. Ona görə də, mən bu məsələnin müzakirə edilməsinin tərəfdarı deyiləm. Düşünürəm ki, o özü bununla bağlı açıqlama yaymalı və kəşfiyyatçılarla nəyə görə görüşdüyünü ictimaiyyətə bildirməlidir. Mənə gələndə isə, şəxsimlə bağlı səslənən fikirlər tamamilə yalandır”.

Qeyd edək ki, virtualaz.org saytında "Tam məxfi: ABŞ kəşfiyyatçıları və Xədicə İsmayılovanın casus hesabatı..." adlı yazıda “Azadlıq Radiosu”nun əməkdaşı, araşdırmaçı-jurnalist Xədicə İsmayılın ABŞ kəşfiyyatçılarına Azərbaycanda olan siyasətçilərin, jurnalistlərin Azərbaycan dövlətinin təhlükəsizlik xidmətinə “cəsusluq” etdiyi qeyd olunub. Siyahıda Müsavat partiyasının başqanı İsa Qəmbərin və Müsavat Partiyası Mərkəzi İcra Aparatının rəhbəri Arif Hacılının da adı yer alıb.

Siyahıya görə X.İsmayıl, xarici kəşfiyyata Arif Hacılının Ədliyyə Nazirliyi Penitensiar Xidmətinin 16 saylı cəzaçəkmə müəssisəsində cəza çəkdiyi dönəmdən dövlət qurumları ilə əməkdaşlıq etdiyi bildirib.

Əfsələddin Ağalarov