Braziliya yığmasının yarımmüdafiəçisi Kaka gözlənilməz açıqlama ilə diqqət çəkib.
Apasport.az-ın xarici mətbuata istinadən məlumatına görə, ABŞ-ın "Orlando” klubunun formasını geyinən ulduz futbolçu karyerasını bitirmək barədə düşünür.
35 yaşlı hücumameyilli oyunçu buna səbəb kimi zədələrini göstərib: "Artıq futboldan həzz almıram. Hər oyundan sonra yaşadığım ciddi ağrılar vəziyyətimi pisləşdirir. Futbol oynayanda özümü yaxşı hiss etmirəm”.
Qeyd edək ki, Kaka bu mövsüm keçirdiyi 22 oyunda 6 qol, 4 məhsuldar ötürmə ilə yadda qalıb.
