Nazirlər Kabinetinin təmsilçisi baş nazir Artur Rasizadənin ölkədə olmadığına dair yayılmış məlumatları təkzib edib.
“Yeni Müsavat” qəzetinin bu günkü sayında baş nazir Artur Rasizadənin artıq iki həftədir ki, ölkə xaricində müalicə olunmasına dair yazı dərc olunub. Yazıda bildirilir ki, baş nazirin xaricə getməsi hakimiyyətin müəyyən seçki planları ilə əlaqədardır.
Lakin bununla bağlı Gün.Az-a açıqlama verən Nazirlər Kabineti mətbuat xidmətinin rəhbəri Akif Əli baş nazirin ölkədə olmaması haqqında iddiaların əsassız oldğunun deyib: “Bu, həmin nəşrlərin həqiqətə uyğun olmayan növbəti dezinformasiyasıdır. Baş nazir hazırda xaricdə yox, öz iş yerindədir”.
A.Əli bəhs olunan bu yanlış məlumatın hansı məqsədlə dərc olunması haqqında danışmaq istəməyib: “Ölkədə demokratiya və söz azadlığı mövcuddur. Bəzi nəşrlər də bundan istifadə edib istədikləri məlumatı yayırlar”.
