Arvadını döyən şəxs cinayət məsuliyyətindən azad edildi
SOSİAL
09:47 20.07.2026
456
AZXEBER.COM Pravda.az-a istinadla xəbər verir ki, Abşeron Rayon Məhkəməsində hakim Abusət Qasımovun sədrliyi ilə keçirilən prosesdə hökm oxunub.
Məhkəmənin hökmü ilə cinayət işinə xitam verilib və təqsirləndirilən şəxs məsuliyyətdən azad edilib.
İttihama görə, Əjdər Həmidzadə həyat yoldaşı Raya Həmidzadə (adı, soyadı şərtidir - red.) ilə qısqanclıq səbəbindən mübahisə edib. Mübahisə qısa müddətdə böyüyərək fiziki qarşıdurmaya çevrilib.
İstintaqın qənaətinə görə, təqsirləndirilən şəxs yumruq zərbələri Rayanın sifət, baş, sinə və qol nahiyələrinə xəsarətlər yetirib. Bundan başqa təpiklə zərərçəkmişin ayaqlarına və bədəninin müxtəlif nahiyələrinə zərbələr vurub.
Məhkəmə-tibbi ekspertizasının rəyinə əsasən, zərərçəkmiş şəxsdə sol göz nahiyəsində qançırlar, sol alt göz qapağında əzilmiş-cırılmış yara, gözün ağlı qişasına qansızma, həmçinin sol süd vəzisi, sol bud və sol bazu nahiyələrində çoxsaylı qançırlar aşkarlanıb.
Ekspertiza həmin xəsarətləri sağlamlığın qısa müddətə pozulmasına səbəb olan və qəsdən sağlamlığa yüngül zərər vurma kimi qiymətləndirib.
OXŞAR XƏBƏRLƏR
ƏN SON XƏBƏRLƏR
