Azərbaycanın əməkdar incəsənət xadimi Ədalət Nəsibov (Aşıq Ədalət) dünyasını dəyişib.
AZXEBER.COM xəbər verir ki, bu barədə yenicag.az-a aşığın oğlu Hekayət Nəsibov məlumat verib.
O, 78 yaşlı atasının qəfildən halının pisləşdiyini söyləyib:
"Dünən yaxşı idi, mənimlə zarafatlaşdı. Axşam halı pisləşdi, həkim çağırdıq. Bir az əvvəl gözlərini yumdu. Onun son sözü bu oldu ki, mənə görə çox əziyyət çəkdiniz, haqqınızı halal edin”.
