Ağsu rayonunun Bico kəndində baş vermiş yanğın zamanı 1 yanğınsöndürən tüstüdən zəhərlənib.
AZXEBER.COM "Report"a istinadən xəbər verir ki, yanğın zamanı Ağsu Rayon Yanğından Mühafizə Hissəsinin əməkdaşı Ceyhun Qurbanovun tüstüdən halı pisləşib.
C. Qurbanov təcili yardım avtomobili ilə xəstəxanaya çatdırılıb. Onun vəziyyətinin normal olduğu bildirilir.
Qeyd edək ki, bu gün rayonun Bico kəndinə yaxın ərazidə 100 hektardan çox biçilmiş taxıl sahəsində yağın baş verib. Alovun qarşısı tamamilə alınıb.
