ATƏT-in Minsk Qrupunun həmsədrləri Jak For, İqor Popov və Yan Kelli Azərbaycanda səfərdədir.
APA-nın məlumatına görə, vasitəçilər sabah Azərbaycan rəhbərliyi ilə görüşlərə başlayacaq. Görüşlərdə Dağlıq Qarabağ münaqişəsinin nizamlanması prosesinin gedişi, Azərbaycan və Ermənistan xarici işlər nazirləri ilə Parisdə keçirilmiş görüşlərin nəticələri müzakirə olunacaq. Həmsədrlərin aprelin 4-də qoşunların təmas xəttini keçərək Dağlıq Qarabağa gedəcəyi də gözlənilir.
Xatırladaq ki, ATƏT-in Minsk Qrupunun həmsədrləri martın 19-da Xankəndində, martın 20-də İrəvanda olublar.
