'Atletiko Madrid' 30 aprel günü 'Bakı'nı əfv etmədi
İDMAN
00:50 01.05.2013
2750
Azərbaycan futbol azarkeşlərinin diqqəti bu gün Tofiq Bəhramov adına Respublika stadionuna yönəlib. Apasport.az saytının məlumatına görə, burada İspaniyanın nəhəng klublarında biri olan “Atletiko” “Bakı”nın qonağı olub.Meydana daha çox gənc oyunçularla çıxan “Bakı” ilk hissənin sonuna qədər qapısını toxunulmaz saxlaya bilməyib. Rəqib 43-cü dəqiqədə Oliver Torresin fərqlənməsindən sonra fasiləyə minimal hesabla yollanıb.Novruz Məmmədovun komandası ikinci yarıda hesaba tarazlıq gətirməyə çalışıb. Lakin istəyinə nail ola bilməyib. Əvəzində madridlilər 83-cü dəqiqədə Raul Qarsiya ilə fərqi artırıb. Qolun şokundan ayılmamış təmsilçilərimiz 3 topu da qapısından çıxarmaq məcburiyyətində qalıb. Bu dəfə də Raul Qarsiya adını tabloya yazdırıb - 0:3.Yoldaşlıq oyunu“BAKI” – “ATLETİKO” - 0:3Qollar:Oliver Torres, 43, Raul Qarsiya, 83; 88Tofiq Bəhramov adına Respublika stadionuBAKI: 1.Kamran Ağayev, 29. Əziz Quliyev, 5. Aqil Nəbiyev, 21. Novruz Məmmədov, 25. Şəhriyar Əliyev, 8. Vadim Abdullayev, 11. Elvin Məmmədov, 38. Namiq Ələsgərov, 88. Cavid Hüseynov, 99. Rəhman Hacıyev, 23. Rauf Əliyev.Ehtiyat oyunçular: 12. Aqil Məmmədov, 7. Mahir Mədətov, 22. Sənan Bayramzadə, 18. Elşən Rzazadə, 17. Tural Qürbətov, 20. Valeh Seyidov, 19. Nurlan Novruzov, 3. Vüqar Mustafayev, 6. Ülvi Süleymanov.ATLETİKO: 1. Asenxo, 44. Vilya, 5. Tyaqo, 6. Koke, 7. Adrian, 11. Rodriqes, 12. Pulido, 15. Sisma, 18. Kata Dias, 22. İnsua, 30. Oliver.Ehtiyat oyunçular: 13. Kurtua, 2. Qodin, 3. Felipe Luis, 4. Suares, 8. Qarsiya, 9. Falkao, 10. Arda Turan, 14. Qabi, 18. D.Kosta, 20. Xuanfran, 23. Miranda, 28. Saul.
