Azad Azərbaycan Televiziya və Radio Şirkətləri qrupunun prezidenti Vüqar Qaradağlının qızı Gültəkin Qaradağlı "Səs Azərbaycan" mahnı müsabiqəsinə qatılıb.O, yarışmada İndilanın "Dernière Danse" mahnısını ifa edib. Amma ifaçı münsiflər heyətindən heç kimin diqqətini çəkməyib və növbəti tura keçə bilməyib.
Qeyd edək ki, Gültəkin Qaradağlı Youtube portalında öz ifaları ilə tanınır. Gültəkin Rihannanın Bakı konsertindən öncə səhnədə yarım saatlıq çıxış da edib.
Məlumat üçün bildirək ki, Vüqar Qaradağlı Azərbaycanın tanınmış diktorları olan Aydın və Gültəkin Qaradağlının oğludur. Onun Gültəkin və Aydın adlı iki övladı var. (qafqazinfo.az)
