"Azad Azərbaycan” Müstəqil Tele-Radio Kompaniyası ölkədə aparılan koronavirusla mübarizə tədbirlərinə dəstək məqsədilə proqram şəbəkəsində dəyişiklik edib. 20 mart tarixindən başlayraq ATV telekanalı tamaşaçılara operativ məlumat çatdırmaq üçün saat 12:00-dan etibarən hər saatın tamamında "Xəbər” buraxılışı təqdim edir.
Kanalda yayımlanan müxtəlif formatlı verilişlərin hər birinə koronavirusla mübarizə yollarından danışan mütəxəssislər cəlb olunub və insanların virusdan qorunma yollarını ətraflı izah edən sosial çarxlar hazırlanıb nümayiş olunur.
Bayram günlərində evdə olan və ətraf mühitlə təması məhdudlaşdırmağa məcbur qalan insanları əyləncəli proqramları ilə darıxmağa qoymayan ATV kanalı koronavirusla mübarizə yollarının izah olunmasında da tamaşaçısının yanında olacaq.
