Avarçəkənlərimiz dünya çempionatında mübarizəyə başladı
İDMAN
20:53 24.07.2015
921
Portuqaliyanın Montemor-o-Velyo şəhərində yeniyetmələr və 23 yaşadək kayakçı və kanoeçilər arasında dünya çempionatı start götürüb.Azərbaycan Milli Avarçəkmə Federasiyasından AZXEBER.COM-a verilən məlumata görə, nüfuzlu yarışda Azərbaycanı 4 idmançı təmsil edir.İlk yarış günündə 2 nəfərlik kanoe qayığı (C-2) ilə 1000 metr məsafəyə seçmə yürüşdə Taras Matviyçuk - Aleksey Kupin dueti start xəttinə çıxıb. Onlar 3 dəqiqə 50,412 saniyə nəticə ilə ikinci yeri tutub. Bu nəticə ilə Matviyçuk - Kupin dueti yarımfinala yüksəlib. Lakin növbəti mərhələdə onlar finişə çata bilməyərək mübarizəni dayandırıblar.Bu gün yeganə kayakçı Mirnazim Cavadov 1 nəfərlik qayıqla (K-1) 200 metr məsafəyə seçmə yürüşə qatılacaq. Bakı vaxtı ilə saat 20:20-də başlayacaq yürüşdə onun rəqibləri Yordi Ekkles (Böyük Britaniya), Nikola Cuteski (Makedoniya), Endryu Roy (Yeni Zelandiya), Marko Draqosavlyeviç (Serbiya), Borislav Laziç (Türkiyə), Roberts Akmens (Latviya), Orion Pilo (Danimarka), Hayk Qasparyan (Ermənistan) olacaq. İlk 7 yeri tutanlar yarımfinala yüksələcəklər.
