Avropa Birliyi ölkələrinin büdcə zirvəsi uğursuz oldu
DÜNYA
11:06 24.11.2012
1412
Belçikanın paytaxtı Brüsseldə büdcə məsələsində razılaşma əldə etmək məqsədilə bir araya gələn Avropa Birliyi ölkələrinin zirvə toplantısı başa çatıb. Toplantı zamanı birlik ölkələrinin nümayəndələri Avropanın 7 illik büdcə xərcləri planlarını müzakirə ediblər. İngiltərə, Hollandiya və İsveç kimi ölkələr büdcə islahatlarının tərəfdarı olsalar da, bəzi ölkələrin müxtəlif sahələrdə islahatlara qarşı çıxması toplantıda uğursuz nəticələnməsinə səbəb olub. Fransa kənd təsərrüfatı, Polşa isə sosial xidmət sahəsində islahatlara getməyə razılıq verməyib.Növbəti büdcə məsələləri ilə bağlı müzakirələr gələn ilin ilk rübündə davam etdiriləcək.Görüşlə bağlı açıqlama verən Almaniyanın baş naziri Angela Merkel bildirib ki, nümayəndələr arasında razılaşdırılmalı məsələlər hələ çoxdur. Onun sözlərinə görə, gələn ilin ilk toplantısında tərəflərin daha konstruktiv təkliflərlə çıxış etməsi vacibdir."Biz mütləq vəziyyətdən çıxış yolu tapacağıq. Bu mümkündür. Həmçinin, Yunanıstan məsələsi də öz həllini tapmalıdır. Biz bu ölkənin avroqrupun imicinə ziyan vurmasını istəmirik".Fransa prezdenti Fransua Oland isə çıxışı zamanı qeyd edib ki, o, Avropanın maraqlarını düşündüyü qədər ölkəsinin də maraqlarına əhəmiyyət verir. Onun sözlərinə görə, Kənd Təsərrüfatı sahəsində Fransanın yürütdüyü siyasət buna bariz nümunədir. "Bizim bu yöndə siyasətmiz təkcə Fransnın deyil, bütövlükdə Avropanın maraqlarına xidmət edir. Lakin təkcə bununla kifayətlənmək olmaz. İnkişaf üçün təklif edilən yeni siyasətlər həmişə təqdirəlayiqdir".
