Avropa İttifaqının qonşuluq siyasəti və genişlənmə məsələləri üzrə komissarı Ştefan Füle İrəvanda verdiyi açıqlamada bildirib ki, Vilnüsdə keçirilən Şərq Tərəfdaşlığı Sammitində Ermənistanla hər hansı saziş imzalanmayacaq.Kamissarın sözlərinə görə, azad ticarət üzrə imzalanacaq sənəd Avro Birliyinin assosiativ üzvlüyünü nəzərdə tutan sazişin tərkib hissəsidir və bunları bir-birindən ayırmaq lazım deyil.Jurnalistlərin suallarını cavablandıran Ştefan Fule AB ilə Ermənistanın yeni formatda əməkdaşlığı çərçivəsində hər hansı sənədin imzalanması perspektivini qiymətləndirərkən bunun qeyri-mümkün olduğunu deyib. Ştefan Füle noyabradək hər hansı ciddi sənədin imzalanmasının mümkün olmayacağını bildirib. Bu AB-nin Rusiyanın təşəbbüsü ilə yaradılmış Gömrük İttifaqına qoşulan Ermənistana cavabı kimi qiymətlənidirilə bilər.İrəvanda hamı hesab etmirki, hökumət Gömrük İttifaqı məsələsində doğru qərar qəbul edib. Ekspertlərin əksəriyyəti hesab edirlər ki, Ermənistanın Gömrük İttifaqına qoşulması qərarı ölkənin zərərinədir və Avropa Birliyi ilə münasibətləri inkişaf etdirmək daha zəruridir.Rəsmi İrəvan isə hesab edir ki, Ermənistanın inkişafında AB ilə münasibətlər və Gömrük İttifaqına qoşulmaq qərarı bir-birinə maneə yaratmayacaq.
