"Vladimir Putin sülh səylərini ələ salır, ona görə də Rusiyaya qarşı sanksiyalar artırılmalıdır".
AZXEBER.COM xarici mətbuata istinadən xəbər verir ki, bunu Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas Danimarkanın paytaxtı Kopenhagendə keçirilən Gyminch formatlı Aİ müdafiə nazirlərinin toplantısından əvvəl deyib.
Kallas bildirib ki, dünən Rusiyanın Kiyevə hücumunda Avropa Bilriyi nümayəndəliyi də zərər görüb.
Nümayəndə bəyan edib ki, Aİ-nin Ukraynaya təmin edə biləcəyi təhlükəsizlik zəmanətlərinə ölkənin silahlı qüvvələri üçün təlim missiyası və müdafiə sənayesinə dəstək daxildir.
Xatırladaq ki, Aİ rəhbərliyi avqustun 18-də Ağ Evdə Fransa, Almaniya, İtaliya və Finlandiya liderləri, onların ukraynalı və britaniyalı həmkarları, NATO-nun baş katibi Mark Rutte və ABŞ Prezidenti Donald Trampla görüşüb.
Mikayıl
