Avropa ölkələrində demokratiyanın inkişafı müzakirə ediləcək
DÜNYA
14:10 04.10.2012
1695
5-8 oktyabrda Litvanın Vilnüs şəhərində “Beynəlxalq Gənc Liderlər Akademiyası” tərəfindən “Şərqi Avropa ölkələrində demokratiyanın inkişafı” mövzusunda forum keçiriləcək. Foruma Azərbaycan, Moldova, Ukrayna, Belarusiya, Gürcüstan, Ermənistan və s. ölkələrdən aparıcı gənclər dəvət edilib. Forumda liderlik bacarıqlarının inkişafı - natiqlik, debatlar, danışıqlar və aktiv vətəndaşlıq, demokratiya quruculuğu təcrübəsi, müxtəlif ölkələrdə gənclərin azad təşəbbüsləri, gənclərin azad düşüncəsinin gücləndirilməsi üçün mövcud olan gənclər siyasəti və təcrübələri, müxtəlif metodlar və üsullar mövzularında qızğın müzakirələrin aparılacağı gözlənilir. Forum Şərqi Avropa ölkələrində demokratik dəyərlər sisteminin yaradılmasında gənclərin iştirakının artırması məqsədi ilə təşkil edilir.Azərbaycanı bu forumda Azərbaycan-Amerika Gəncləri İctimai Birliyinin sədri Vüqar Əhmədov və Milli Elmlər Akademiyasının əməkdaşı, gənc alim Cahid İsmayıloğlu təmsil edəcək. Vüqar Əhmədov “Azərbaycan demokratiyanın inkişafında gənclərin rolu” , Cahid İsmayıloğlu isə “Azərbaycanda azad internet, demokratiyanın inkişafında internetin, xüsusilə sosial şəbəkələrin rolu” mövzusunda çıxışları olacaq.
