Avropa və Ukrayna parlamentləri yenilənmiş qarşılıqlı Anlaşma Memorandumu imzalayıblar.
Bu barədə Ukrayna Ali Radasının mətbuat xidməti məlumat yayıb.
Məlumata görə, sənəd bu gün Avropa Parlamentinin Prezidenti Roberta Metsola və Ukrayna parlamentinin sədri Ruslan Stefançuk tərəfindən imzalanıb.
"Bu, əlaqələrimizi gücləndirmək üçün vacib və simvolik addımdır. Həm də Ukraynaya Avropa İttifaqına üzvlük üçün hazırlaşmağa kömək edəcək praktik bir yoldur", - deyə Metsola görüşdən sonra brifinq zamanı bildirib.
