Türkiyənin Taksim meydanında hava limanına gedən avtobusa minən turistlərin çemodanını oğurlamağa çalışan oğru polis tərəfindən saxlanılıb.
AZXEBER.COM Türkiyə mediasına istinadən xəbər verir ki, oğru qaçmaq istəyəndə məmurlar tərəfindən təpik və yumruqlarla döyülüb. Hadisə saniyə-saniyə kameralara əks olunarkən, oğru döyüldükdən sonra yoxa çıxıb. Hadisə ilə bağlı tərəflərin bir-birindən şikayət etmədiyi öyrənilib.
İddialara görə, hava limanında avtobuslarının yerləşdiyi yerdə dolaşan naməlum şəxs gözünü çemodanlara tikib. Bir müddət ətrafda dolaşan, lazımi anı izləyən şəxs turistlərin nəqliyyat vasitəsinə minməsindən sonra avtobus yola düşmək istəyərkən hərəkətə keçib. Çemodanı baqaj hissəsindən götürmək istəyən oğrunu əraziyə nəzarət edən Yaşar Ceyhan görüb. Məmur tərəfindən tutulan şəxs qaçmaq istəyərkən, o, ərazidəki bir neçə nəfər tərəfindən mühafizə altına alınmağa çalışılıb. Lakin həmin şəxs müqavimət göstərərək məmurlara hücum etməyə başlayanda əlbəyaxa dava düşüb. Davaya çevrilən hadisə nəticəsində oğurluq edən şəxs təpik və yumruqlarla döyülüb. Dəqiqələrlə döyülən şəxs məmurların əlindən qaçaraq yoxa çıxıb.
Yaşar Ceyhan hadisə ilə bağlı danışıb:
"Səhər mən işə gələndə işlədiyim müddətdə iki nəfər təxminən 2 saat burada dolaşmağa başladılar. Məqsədləri bəlli idi, onları görəndə dərhal başa düşdüm ki, onlar oğurluğa gəliblər. Sonra avtobus gəldi, baqajı boşaltdım və 2 nəzarətsiz çemodan qaldı. Sonra o adamlardan biri yanıma gəlib dedi: "Çemodan mənimdir”. Dedim ki, bu, sənin deyil.Onu elə oradaca döyməli oldum. Burada oğurluq belə olur. Belə hallarda polisə məlumat veririk. Artıq belə bir şeyin olmasını istəmirik. İnsanları izləməkdən çox yorulmuşuq. Biz hər həftə onlarla qarşılaşırıq və onların qarşısının alınmasını istəyirik. Hadisədən sonra polis şübhəli şəxsi götürdü, bundan sonra nə olacağını bilmirəm. Hadisə yerinə gələn polis qruplarına hadisəni izah etdim və onlar tədbir görərək patrul xidmətinə məlumat verdilər. Həmin gündən sonra bir də oğurluq hadisəsi baş verməyib”.
Oksana
