AXCP - Müsavat savaşı yenidən başladı – QARŞILIQLI İTTİHAM
Siyasət
17:15 05.04.2014
1163
AXCP-Müsavat arasında “Gülüş günü” zarafatına görə başlanan gərginlik başqa müstəvidə davam edirAZXEBER.COM xəbər verir ki, Müsavat Partiyasının qurultay keçirə bilməməsinə "Azadlıq" qəzetinin köşə yazarı Xaliq Bahadır münasibət bildirib.O deyib ki, onlar 2010-cu ildən üzü bəri qurultay adına şou düzəldirlər. İsa Qəmbərə belə gərəkdir: "2010-cu ildə plana uyğun mövqe bildirərək AXCP-ni tələyə saldılar - Azadlıq blokunu dağıtmaqla birlik yaratmaq tələsinə. Qurultay keçirib bir partiyada birləşmək qərarı verməli idilər, yer bəhanəsiylə bunu etmədilər. İstəsəydilər, qurultayı öz qərargahlarında da keçirə bilərdilər. Ancaq İsa Qəmbərə xarakterinə uyğun kələkbazlıq gərəkdir: yer bəhanəsiylə o, özünün yalançı 300 illik partiyasıyla hələ bir seçkiyə də başqan statusunda gedəcək.Xaliq Bahadırın bu fikrinə Müsavat Partiyasının Divan üzvlər cavab veriblər. Divan üzvü Tural Abbaslı bildirib ki, Müsavat və AXCP arasında belə lüzumsuz bəyanatları verən şəxslər haqqında partiyadaxili tədbir görülməlidir. Mən onun sözünə cavab vermək istəmirəm. Ona bu dağıdıcı fəaliyyətində uğurlar arzulayıram.Müsavat Partiyasının digər Divan üzvü Almaz Əliqızı isə bildirib ki, Xaliq Bahadır bu tip fikirlər səsləndirməyə vərdişkardır:“Xaliq Bahadır vaxtilə Əbülfəz Elçibəyin haqqında da böhtanlar danışırdı: Amma indi şəklini başlarının üstündən asıblar. Mən onun Elçibəy haqqında dediyi böhtanları şəxsən özüm eşidib-görmüşəm. Əvvəl Elçibəyin haqqında pis danışırdı, indi də İsa Qəmbər haqqında belə danışır. Belə adamlar bir az düşünməlidirlər”.
