Ay Əqrəb bürcündədir. Emosiyalar daha dərindən yaşanacaq. Hisslərimizi açıq şəkildə ifadə etmək əvəzinə, onları içdə saxlamağa, təhlil etməyə və lazım gələrsə gizlətməyə meylli ola bilərik.
AZXEBER.COM Türkiyə mətbuatına istinadən xəbər verir ki, bu barədə türkiyəli astroloq Dinçer Güner paylaşım edib.
O, paylaşımda bildirib:
"Daxili aləmimizdə fırtınalar başlaya bilər, şüuraltımızda basdırılmış duyğular üzə çıxa bilər. Güclü intuisiya işə düşəcək. İnsanların dediklərindən daha çox demədiklərini müşahidə edəcəyik.
Əgər bir mövzuda rahat deyiliksə, intuisiyamıza etibar etməliyik.
Əlaqələrimizdə güvən mövzusu ön plana çıxacaq. Əgər kiməsə inansaq, ona daha çox bağlana bilərik. Ancaq şübhə varsa, daxili sorğu-suallar arta bilər. Qısqanclıq, sahiblənmək və güc mübarizəsi kimi məsələlər də ortaya çıxa bilər.
Münasibətlərdə həddindən artıq nəzarətçi və ya manipulyasiya etməmək üçün diqqətli olmaq lazımdır.
Bu dövr həm də sirlərin açılmasına işarə edir. Gizli duyğular, keçmişdən gələn problemlər, unudulmuş zənn etdiyimiz məsələlər üzə çıxa bilər.
Maliyyə təhlükəsizliyi məsələləri ön plana çıxa bilər".
Oksana
