Brilliant Dadaşova, Aygün Kazımova, İlhamə Quliyeva və Nazpəri Dostəliyeva arasında gedən söz davası bütün ölkə ictimaiyyətinin, hətta millət vəkillərinin müzakirə mövzusuna çevrilib. Xalq artistlərinin “soyuq müharibəsi” onlardan bu titulun geri götürülmə iddiasını meydana gətirib.

Bəs illərlə Azərbaycan səhnəsində fəaliyyət göstərən xalq artistlərindən bu adların geri alınması doğru olarmı?Mövzu ilə bağlı ictimaiyyətin fikrini öyrənmək üçün AZXEBER.COM-un126 minlik rəsmi “Facebook” səhifəsində sorğu keçirdik.Sorğuda iştirak edən 515 nəfərin yarısından çoxu – 264 nəfər İlhamə Quliyevadan “xalq artisti” titulunun alınmasını tələb edib. 149 nəfər isə Aygün Kazımovanın bu ada layiq olmadığını düşünür. Brilliant Dadaşova (43) və Nazpəri Dostəliyevanın (11) fəxri addan məhrum edilməsini isə daha az adam istəyib. 47 nəfər xalq artistlərinin adlarına layiq olduğunu qeyd edib.

Respondentlərin bir qismi bütün xalq artistlərindən bu adların geri götürülməli olduğunu bildirib. Bununla yanaşı, müzakirədə Aygün Kazımovanın çox sayda fanatı iştirak edib. Onlar Xalq Artisti Aygün Kazımovanı əsl sənət yaradıcısı, Azərbaycanın pop starı, “1 nömrə”si adlandırıblar.

Xalq artisti Brilliant Dadaşovaya da qarşı münasibət birmənalı olmayıb. Ondan bu adın alınmasının lazım olduğunu bildirənlər olsa da, kifayət qədər bunun əksini düşünənlər olub. Onlar B. Dadaşovanın beynəlxalq sənət layihələri, müsiqisi ilə digərlərindən fərqləndiyini bildiriblər. Səsvermə nəticəsində oda aydın olub ki, bəzi tamaşaçıların “Primadona” ləqəbli İlhamə Quliyevaya qarşı münasibəti yaxşı deyil. Onlar xalq artistini “araqatan” adlandırıblar.AZXEBER.COM