Tanınmış müğənni, blogger Aynişan Quliyeva fanatları ilə görüş keçirib.
AZXEBER.COM xəbər verir ki, Aynişan görüşdə fanatları ilə səmimi söhbət edib, onlara keçdiyi həyat yolundan danışıb.
Aynişan Türkiyədəki təhsil həyatından danışıb və bildirib ki, təhsil ona çox şey qazandırıb: "Mən Türkiyədə təhsil almadan öncə çox qapalı biri idim. 23 yaşıma qədər anam məni tək heç yana buraxmırdı. İnanın ki, Türkiyədə təhsil mənə çox şey verdi. İlk növbədə tək yaşamağı öyrəndim, qayğılarım artdı.
Məncə hər bir qız ərə getmədən öncə tək yaşamalıdır, bununla insan özünü dərk edir, özünü kəşf edir, özgüvəni artır. Mən də 2 il ərzində çox güclü bir qıza çevrildim”.
Aynişan Quliyeva yaxın zamanlarda şəxsi biznesinin açılışını edəcəyini də bildirib: "Mən müğənni olmadım, sadəcə hobbi olaraq mahnı oxuyurdum. İndi isə şəxsi biznesimin üzərində çalışıram. Yaxın zamanlarda butikim açılacaq.Sizi çox sevirəm".
Aynişan daha sonra fanatlarının suallarını cavablandırıb.
Görüşdən özəl fotoları təqdim edirik:
