Aynur: “Ərim hesabımdan 300 min manata yaxın pulu götürdü və ...”

SOSİAL
17:36 18.07.2019
2842
Ağdam rayon sakini Aynur Abdunova ondan xəbərsiz bank hesabından 300 min manata yaxın pul çıxaran ərindən boşanıb və ondan hüquq-mühafizə orqanlarına şikayət edib.

AZXEBER.COM xəbər verir ki, "qafqazinfo”ya müraciət edən A.Abdunova bildirib ki, 1996-cı ildə Vüqar Abdunovla evlənib və 3 uşağı var:

"Bizim ailəvi biznesimiz var idi, oradan gələn qazancımı yığırdım ki, uşaqlarıma rahat gələcək verim. Ən böyük arzum o idi ki, oğlanlarım polis olsun, qızımın evi, maşını olsun.

Bunları edəcək imkanımız da oldu. Sonra yoldaşım mənə xəyanət etməyə başladı, başqa qadınlarla yaşayırdı. Bu mövzuda evdə gedən söz-söhbətlərə görə qızım stresdən xəstəlik tutdu, indi yeriyə bilmir.

Vüqar da iki oğlumu əlimdən alıb, özü ilə saxlayır.

Buna görə mən 2015-ci ildə boşanmaq üçün məhkəməyə müraciət edib ondan ayrıldım.

Məsələ isə belədir ki, 2009-cu ildə mən "AtaBank”ın Yevlax filialına gedib müdir əvəzi işləyən Məmmədov Bayram Güloğlan oğlu ilə görüşdüm və depozit hesabı açdırdım.

Biznes qazancımdan əldə etdiyim pulları hissə-hissə banka əmanət kimi yatırdım. Hər dəfə də pulun faizlərini təkrar hesabıma qoyurdum.

Amma mən hesab açdırandan 1 ay sonra yoldaşım mənim adımdam saxta şəxsiyyət vəsiqəsi hazırlatdırıb, onun əsasında Bayramla birgə mənim bank hesabımla bağlı ərimə saxta etibarnamə düzəldiblər.

2012-ci ildə ərim Vüqar Abdunov həmin saxta sənəd əsasında mənim hesabımdan 300 min manata yaxın pulu götürərək özünün, qardaşının və anasının adına keçirib.

2015-ci ildə mən boşanmaq üçün məhkəməyə müraciət edəndə isə Vüqar pulu həmin hesablardan da çıxarıb özünə götürüb.

Mən həmin il qızımın müalicəsi üçün bankdan pul götürmək istəyəndə dedilər ki, hesabınız boşdur. Hesabımdan pulların çıxarıldığını onda bildim.

 
Bununla bağlı Yevlax rayon prokurorluğuna şikayət etdim, o vaxtı müavin Mülküm Mahmudov qanunsuz olaraq cinayət işinin başlanmasını rədd etdi. Halbuki, ekspertiza bank hesabından pulların çıxarılması zamanı çəkilən imzanın mənə aid olmadığını təsdiqləyib.

Daha sonra Baş Prokuror Zakir Qaralovun qəbulunda oldum, Zakir müəllim işə nəzarəti müavini Namiq Əsgərova tapşırdı.

Amma yenə də bir nəticə olmadı. Daha sonra şikayətimi mülki iş kimi Nəsimi rayon Məhkəməsinə göndərdilər.

Nəsimi rayon Məhkəməsi özü hesablayıb və hesabda 250 min 500 manat və 9 min dollar olduğu qənaətinə gəlib.

Bu pulu da Vüqarla mənim aramda bölüb. Qərar belə olub ki, Vüqar Abdunov mənə 125 min 250 manat və 4500 dollar verməlidir. Mən bununla razı deyiləm.

Mən şəxsiyyət vəsiqəmin, bank hesabı üçün adımdan verilən etibarnamənin hazırlanmasında əli olan şəxslərin cinayət məsuliyyətinə cəlb olunmasını, bank işçisi Bayram Məmmədovun özbaşına mənim hesabımdan pul çıxarıb başqasına verməsinin araşdırılmasını və 2012-ci ildə hesabımdan götürülən pulun geri qaytarılmasını, son 7 il üzrə də faizlərin hesablanmasını tələb edirəm.

İstintaq qərəzlidir və məqsədli şəkildə bu işlə bağlı cinayət işi başlanmasından imtina edirlər”.

Vüqar Abdunov prokurorluqda izahatında bildirib ki, 2006-2009-cu illərdə banka öz adından pul qoyub, 2009-cu ildən sonra isə həyat yoldaşı Aynur Abdunovanın adına hesab açdırıb və pulu o hesaba yatırıb:

"Daha sonra hesabdan pulları götürməyə Aynurla birgə getmişəm, pulları da Aynur özü götürürdü”.

Bankın vəzifəli şəxsi Bayram Məmmədov isə bildirib ki, Aynur Abdunova əri Vüqar Abdunovun xeyrinə banka əmanət qoyub. Daha sonra isə ya hər ikisi bir yerdə, ya da Vüqar Abdunov tək gələrək pulu çıxarıb:

"Biz arxivdəki sənədləri Aynur Abdunovaya təqdim edərək dedik ki, "sənin əmanətin ərin Vüqarın xeyrinə qoyulub, onun sənə demədən pulu götürməyə ixtiyarı var”.

Bankın filial müdiri Bayram Məmmədov 2015-ci ildə vəzifəsindən çıxıb. Prokuror müavini Mülküm Mahmudov da təqaüdə göndərilib. 

OXŞAR XƏBƏRLƏR

ƏN SON XƏBƏRLƏR

14:00 08.07.2020

Koronavirusa yoluxan deputat evə buraxıldı

13:46 08.07.2020

Nazirlikdən Baş Epidemioloqun istefası ilə bağlı AÇIQLAMA

13:28 08.07.2020

Azərbaycanda çoxalan çəyirtkələrin qarşısı belə alınır - FOTOLAR

13:20 08.07.2020

Maskasız alıcıların ticarət obyektlərinə daxil olmasına icazə verilməyəcək - RƏSMİ

13:15 08.07.2020

Azərbaycanın baş epidemioloqu istefa verdi

13:11 08.07.2020

Bakının bu ərazisində suyun verilməsində məhdudiyyət olacaq

13:03 08.07.2020

100 nəfərlik məclisə maskasız gedən 17 yaşlı qız koronavirusdan öldü - FOTO

12:47 08.07.2020

Azərbaycanda deputatın rəis oğlu koronavirusa yoluxdu: İdarə karantinə alındı

12:24 08.07.2020

Binəqədi rayon ərazisində monitorinqlər davam etdirilir - FOTOLAR

12:22 08.07.2020

Bakıda bazarda gizli faəliyyət göstərən kafe aşkarlandı, 8 qadın saxlanıldı - FOTOLAR

12:15 08.07.2020

“AccessBank”ın yeni aqrokredit kampaniyası ilə fermer təsərrüfatınızı inkişaf etdirin!

12:12 08.07.2020

Azərbaycanda karantin rejimi 60 günədək uzadılacaq? - RƏSMİ

12:01 08.07.2020

Tanınmış həkim COVID-19-dan tez sağalmağın yolunu göstərdi: Çoxlu qarpız yeyin...

11:52 08.07.2020

Həbs edilən XİN vəzifəliləri məhkəməyə müraciət etdi

11:37 08.07.2020

Bakıda molla Baku TV-nin çəkiliş qrupuna hücum etdi - VİDEO

11:19 08.07.2020

Gürcüstan bir neçə ölkə vətəndaşları üçün sərhədlərini açır