Artıq, internet əsridir. Və həyatımız müəyyən hissisi sosial şəbəkələrdə və saytlarda keçir. Hətta, dostluq, sevgi hisləri də məhz burada yaranır. Ona görə də, bu yöndə sizə bəzi məsləhətlər hazırlamışıq. Demək, biri sizə tanışlıq göndərirsə, boşuna zaman itirməyin. Xüsusilə də, siz vaxtı qızıldan qiymətli işgüzar xanımsınızsa... Bəzi tənha xanımlar var ki, kiminləsə tanış olur və təbii olaraq əvvəlcə mədəni şəkildə dostluq ünsiyyəti qurulur, bir-birini tanımaq üçün bir müddət ya məktublaşmalı, ya da telefonla danışmalı olurlar.
Tanışlığın üçüncü günü oğlana "İşin var? Nə qədər maaş alırsan" sualını da vermək ayıb olar. Amma, baxmayaraq ki, bəzi xanımlar üçün kişinin işləməsi, yaxud evi, maşını olması önəmlidir. Yaxud xobbi və arzuların nələrdən ibarət olması da münasibətlərdə önəmlidir. İki ay sonra bunları anladığında xanım ayrılır. Ortada isə itirilmiş zaman və bir qadının hisləri, ümidsizliyi dayanır. Çünki, xanım öz yarını tapmaq ümidilə ilə təbii ki, bu tanışlıq təklifini qəbul etmişdi...
Ona görə də, Azadqadin.az saytının rəhbəri Aynur Qurbanqızı məsləhət edir ki, artıq utanmaqdan keçib, sizə tanışlıq təklif edən adamlara ilk başdan konkret suallar ünvanlamaq lazımdır. Evlilik saytlarında olduğu kimi... Bu suallara müsbət cavab gələrsə, sizə uyqun olub-olmayacağı testindən keçirib, daha sonra növbəti sınama mərhələrinə keçə bilərsiniz.
Daha, ətraflı izah edək. Tutaq ki, facebookdasınız və sizə məktub gəlir. "Xanım, sizinlə tanış olmaq olar?". Bu zaman biz xanımlar tərəddüd içində qalırıq. Rədd edək, ya tanıma şansı verək?! Təbii ki, qarşımıza çıxan insanları tanımadan rədd etsək, ailə qurmaq, sevgi xəyalları şanslarımız da o qədər azalar. Ona görə də, çox xanım tanımağa üstünlük verir. Bu zaman əvvəlcə, profilinə daxil olub araşdırırsınız, şəklinə baxırsınız. Sizlik deyilsə, blok edin vəssalam. Yox, bir az xoşunuza gəlsə və bu tanışlığa, ya dostluq ya ailə qurmaq səbəbilə ehtiyacınız olarsa onda yazın:
Salam. Təklifinizi dəyərləndirmək üçün bu suallara zəhmət olmasa cavab yazıb göndərin:
1) Yaş, boy 2) Harda yaşayırsız? 3) Maşın, şəxsi eviniz var? 4) İşiniz nədir? Hansı sahədə çalışırsız? 5) İşlə bağlı həftənin hansı günləri və saatları boş olursuz, istirahətə düşür? 6) Xobbiniz? 7) Ailəniz haqda qısa məlumat (neçə uşaqsız və s.) 8) Tanış olmaqda məqsədiniz? (dürüst olun və ətraflı yazın)
Sualları öz istəklərinizə uyğunlaşdırıb azalda və ya çoxalda bilərsiniz... Məktubun ardınca isə, sizə "iyrənc" məqsədini həyata keçirtmək üçün yazıbsa, onun ümidərini puça çıxartmaq üçün bunları yazın. Xüsusilə, bu boşanmış qadınlara aiddir. Çünki, məlum səbəblərə görə, onlar kişilər tərəfindən xusisi "ov"dur. Yəni, başdan anlasın ki, siz ələkeçirilməz qadınsız və ümidini üzüb özü uzaqlaşsın.
Qısacası, Aynur Qurbanqızı hesab edir ki, aşağıdakıları yazmaq vacibdir:
- Məqsəd dostluqdursa, bu azərbaycansayağı olmayaq. Yəni dostluqdursa həqiqətən dostluqdur, onun altında ehtiras-görüş-filan olmayacaq.
- Məqsəd evliliyə doğru addımdırsa, bu mövzuda da ciddi-ciddi düşünmək lazımdır
- Məqsəd, bir qadınla "gizli görüşlərdirsə", mən nigahsız münasibətləri qəbul etmirəm... Başdan bir-birimizin vaxtını almayaq...
Son olaraq, əmin olun ki, qeyri-ciddi fikirli olan oğlanlar həmin an yoxa çıxacaqlar smile Bu sınaqdan keçənlərə isə, həmin an şans vermək qadağandır. Çünki, kişi psixologiyasında qadınları tez əldə etmək onlara marağın sürətlə azalması deməkdir. Sadəcə, növbəti mərhələyə keçmək lazımdır ki, bunu da azadqadin.az-da izləyin...
P.S. Bu sadəcə vaxtını itirməmək və gələcəkdə xəyal qırıqlığına uğramamaq üçün verilmiş məsləhətdir. Vaxtı və həvəsi olan qızlar isə, artıq özləri bilər. Bəs, siz nə məsləhət görürsünüz bu mövzuda?Aynur Qurbanqızı
