Bu gün milli komandamız növbəti yoldaşlıq oyununu keçirir. Seçmə mərhələ öncəsi son sınaq matçında rəqib Bəhreyn yığmasıdır.

Qarşılaşma İsmət Qayıbov adına Bakıxanov qəsəbə stadionunda keçirilir və saat 18.00-da başlayıb. Matçı gürcüstanlı FİFA referisi Georgi Vadaçkoria idarə edir.

Bu Bəhreyn və Azərbaycan yığmaları arasında ikinci yoxlama oyunudur. İlk qarşılaşma 2008-ci ilin 15 oktbyabrında keçirilmişdi. Səfərdəki matçda millimiz 2:1 hesablı qələbə qazanmışdı.

Milli komandamız sentyabrın 7-də DÇ-2014-ün seçmə mərhələsi çərçivəsində ilk oyununu keçirəcək və İsraili qəbul edəcək.

Yoldaşlıq oyunu15 avqust

Azərbaycan – Bəhreyn

Azərbaycan: Kamran Ağayev, Elnur Allahverdiyev, Branimir Subaşiç, Rauf Əliyev, Rəşad Sadıqov (k), Ruslan Abışov, Vüqar Nadirov, Maksim Medvedyev, Rahid Əmirquliyev, Cavid Hüseynov, Əli Gökdəmir.

Bəhreyn: Əhməd Abbas, İsa Salman, Yusif Abdulla, Duaij Məhəmməd, Abdülhəmid Saleh, Saad Davud, Əli Abdülvəhab, Abdülrəhman Mahmud, Xəlil Rəşid, Yusuf Fahad, İsmayıl Abdulla.

Hakimlər: Georgi Vadaçkoria, Georgi Kruaşvili, Levan Varamişvili (Gürcüstan), Fariz Yusifov (Azərbaycan).Hakim-inspektor: Gülağa Cabarov.AFFA nümayəndəsi: Ramiz Mustafayev.İsmət Qayıbov adına Bakıxanov qəsəbə stadionu. Saat 18.00.