Ötən il ərzində ölkə əhalisi tərəfindən Azərbaycan Beynəlxalq Bankına (ABB) 252 milyon manat məbləğində əmanət qoyulmuşdur.
Beləliklə, 1 yanvar 2012-ci il tarixinə ABB-də əhalinin əmanətlərinin həcmi 40 faiz artaraq 968996 min manat təşkil etmişdir. Bu da cəmi banklar üzrə fiziki şəxslərin əmanətlərinin 41 faizinə bərabərdir. Müqayisə üçün, qeyd edək ki, 2002-ci ildə ABB-də əhalinin əmanətlərinin həcmi 50 milyon ABŞ dolları səviyyəsində idi.
