“YAP-ın V qurultayda partiyanın sədri, ölkə pezidenti İlham Əliyev növbəti prezident seçkilərində namizədi kimi rəsmən elan ediləcək”
Hakim Yeni Azərbaycan Partiyası (YAP) V qurultayına hazırlıq işlərini yüksək səviyyədə başa çatdırıb. Bu barədə Trend-ə hakim Yeni Azərbaycan Partiyasının (YAP) icra katibinin müavini Mübariz Qurbanlı bildirib. nun sözlərinə görə, YAP-ın rayon və şəhər təşkilatlarının hamısında konfranslar keçirildi, qurultaya nümayəndələr seçildi. Qurultaya hazırlıq çərçivəsində yerli strukturlar qarşıdan gələn seçkilərə hazırlıq istiqamətində də müəyyən işlər görüblər: "Bildiyiniz kimi V qurultayda Yeni Azərbaycan Partiyasının sədri, ölkə pezidenti İlham Əliyev partiyamızın növbəti prezident seçkilərində namizədi kimi rəsmən elan ediləcək. Cənab İlham Əliyevin bu seçkilərdə namizədliyinin irəli sürüləcəyi barədə partiya rəhbərliyinin fikirləri xeyli müddət əvvəl ictimaiyyətə çatdırılıb. Hamıya bəllidir ki, Prezident İlham Əliyevin namizədliyini bir sıra ictimai-siyasi təşkilatlar da müdafiə edirlər. Ancaq rəsmi surətdə bu qərar qurultayda qəbul olunacaq". Qurbanlı vurğulayıb ki, partiyanın yerli strukturlarının konfranslarının gedişatında bir daha müşahidə olundu ki, partiyanın bütün üzvləri İlham Əliyevin namizədliyini birmənalı şəkildə müdafiə edirlər: "Ümumiyyətlə, bütövlükdə Azərbaycan cəmiyyəti Prezident İlham Əliyevin namizədliyini dəstəkləyir. Prezidentimizin güclü, zəngin, qüdrətli Azərbaycan quruculuğu istiqamətində həyata keçirdiyi siyasət cəmiyətimizdə hamı tərəfindən müdafiə olunur. Hazırki siyasətə qarşı ölkəmizdə narazılar çox cüzi səviyyədədir və onlar seçkinin nəticəsinə zərrə qədər də təsir etmək imkanına malik deyillər".
‘Azərbaycan cəmiyyəti İlham Əliyevin namizədliyini dəstəkləyir’
SİYASƏT
10:53 05.06.2013
1609
OXŞAR XƏBƏRLƏR
ƏN SON XƏBƏRLƏR
