"Bu adam çoxdan getməli idi"

Stokholm şəhərindəki "Friends Arena”da oynanılan qarşılaşma meydan sahiblərinin 5:0 hesablı qələbəsi ilə bitdi. Millimiz yenə də böyük hesablı məğlubiyyətlə üz-üzə qaldı.

Bəs Azərbaycan millisinin ilk dəfə olmayan bu cür böyük hesablı məğubiyyətlərinə nə səbəb olur? Problemin kökü nədədir?

 

 

O qeyd edib ki, dünənki İsveçlə oyun və ondan 3 gün əvvəlki Avstriya ilə məğlubiyyətlərimizin əsas səbəblərini iki istiqamətdə qeyd etmək olar: "Biri texnikidir, biri də fundamental. Texniki səbəblər odur ki, hazırda yığma komandanın baş məşqçisi olan Canni De Byazi baş məşqçi olaraq bitib. Bunu demək üçün sırf bu iki oyundakı nəticələri nəzərə almağa ehtiyac yoxdur. Bundan əvvəl də bu adamın səhvləri var idi. Sistematik olaraq səhvləri, taktiki, texniki səhvləri, sistemsizlik, məntiqsizlik, fəlsəfəsi, strategiyası olmayan bir mütəxəssisin komandaya baş məşqçilik etməsi biabırçılıqdır. Ona bu şansı verənlər, onunla müqaviləni artıranlar da günahkardırlar. Çoxdandır məşqçilik baxımından bu adamda heç nə qalmayıb. Dünənki oyunda, ondan əvvəlki oyunda da yol verdiyi çox sadə səhvlər başqa izaha yol açmır. Bu adam çoxdandır getməli idi, onu saxlayanlar bu məsələyə görə cavab verməlidirlər”. 

Mütəxəssis qeyd edib ki, bu məsələyə görə kimsə cavab verməlidir:

"Fundamental səbəb isə odur ki, millimiz uzun illərdir böyük hesablı məğlubiyyətlərə məruz qalır. Bu məğlubiyyətlərdən də nəticə çıxarmır. Azərbaycan futbolunu idarə edənlər ardıcıl məlubiyyətlər, ardıcılı rəzalətlərdən nəticə çıxarmırlar və eyni səhv edirlər. Heç bir məsuliyyət də daşımırlar, heç kim də çıxıb buna görə məntiqli açıqlama vermir. Hər dəfə də deyirlər ki, "gələn dəfə yaxşı olacaq”, belə deyə-deyə ictimaiyyəti aldadırlar. Xüsusi dəyəri olmayan arqumentlər ortaya ataraq özlərinə dividend qazandırmağa çalışırlar. Artıq buna görə kimsə cavab verməlidir”.