Ukraynanın Xarkov şəhərində Çoxmübarizəli İdman Döyüş Növləri üzrə dünya çempionatı keçirilib.
Federasiyanın prezidenti Vüqar Muradovun AZXEBER.COM-a verdiyi xəbərə görə, yarışlarda 25 ölkədən 36 komandadan 600-dən çox idmançı iştirak edib. Azərbaycan idmançıları 6 qızıl, 5 gümüş və 4 bürünc medal qazanıblar. Azərbaycan yığmasının üzvləri; kişilər arasında Vüsal Abdullazadə (70 kq, 18-25 yaş), İsmayıllı rayonunun baş məşqçisi Bayram Qəhrəmanov (+90 kq, 35-39 yaş), Yeniyetmələr arasında isə Fətəli Məmmədli, Ağaverdiyev Zahid, Qələmzadə Babək, Orucov Nicat çempion olublar. Qeyd edək ki, İsmayıllı idmançısı Vusal Abdullazadə 2 qat dunya çempionu titulunu qazanıb. Dünya çempionatında qazanılmış medalların sayına görə Ukrayna yığması birinci yeri tutub. Azərbaycan komandası ikinci, Rusiya yığması isə üçüncü olub. "Çoxmubarizəli İdman Döyuş Növləri” üzrə yarışlar pnevmatik və ya odlu silahdan güllə atıcılığı, soyuq silah işlətmədən əlbəyaxa döyüş, soyuq silah işlətməklə əlbəyaxa döyüş növləri üzrə keçirilib. Qeyd edək ki, son 4 ildə Dunya çempionu titulunu qazanan Vusal Abdullazadə, Məhəmməd Məmmədli və Şikar Mehdiyev Azərbaycan Dövlət Bədən tərbiyəsi və İdman Akademiyasına musabiqədənkənar (imtahan vermədən) daxil olublar.
