Bu gün Azərbaycan kubokunun finalçıları məlum olacaq.
Yarımfinal mərhələsinin cavab oyununda “Xəzər Lənkəran” “Bakı”nı, “Qarabağ” isə “Neftçi”ni qəbul edəcək. İlk oyunun nəticələrinə görə, mərhələninin taleyinə məhz bugünkü oyunlarda aydınlıq gələcək. Belə ki, Səfərdə rəqibinə 0:1 hesabı ilə uduzan “Xəzər Lənkəran” doğma meydanda bunun əvəzini çıxmağa çalışacaq. Cənub təmsilçisinin öz meydanında inamlı təsir bağışlamasını nəzərə alsaq, məğlubiyyətin əvəzini çıxa bilər və şanslar bərabər görünür. “Qarabağ” – “Neftçi” oyununa isə maraq daha çoxdur. Bu komandaların son vaxtlar bir neçə dəfə qarşılaşmaları və prinsipiallığın artması oyuna marağı daha da artırır. İlk oyunda “Neftçi”nin qonağı olan “Qarabağ” səfər meydanında qapısından iki qol buraxsa da, bir qol vurmağı bacarıb. Bu bir qol Ağdam təmsilçisinə çox faydalı ola bilər. Belə ki, “Qarabağ” bir cavabsız qolla finala vəsiqə qazana bilər. “Neftçi”nin də hesabda irəli olduğu üçün şansları yaxşı qiymətləndirilir.Azərbaycan kuboku, yarımfinal, cavab oyunları24 aprel19:00. "Xəzər Lənkəran" - "Bakı"İlk oyun 0:1Lənkəran şəhər mərkəzi stadionu21:00. "Qarabağ" - "Neftçi"İlk oyun 1:2Tofiq Bəhramov adına respublika stadionu
