Separtçıların mütəmmadi olaraq Azərbaycan ərazilərinin mövqeylərini atəşə tutması ilə bağlı Milli Məclisin deputatı Elman Məmmədov AZXEBER.COM-a açıqlama verib.
O bildirib ki, onlar Rusiya hərbi kontingentidir, sülhməramlı deyil:
Rusiya hərbi kontingenti üzərlərinə götürdükləri missiyaların heç birini yerinə yetirmirlər. Əksinə gəldikləri gündən onlar bizim qanunlarımıza, ərazi bütövlüyümüzə zidd hərəkətlərlə məşğul olurlar. Separatçıların silahlandırılmasını da onlar həyat keçirir. Bundan sonra da nəsə törətməyə çalışırlarsa, onların razılığı və iştirakı ilə olacaq.
Deputatın sözlərinə görə Qarabağda yeni qarşıdurmanın olacağı məsələsi hələ də gündəmdən çıxmayıb:
Öncədən qarşısını almaq üçün tədbirlər görür. Görünən odur ki, danışıqlar da heç bir fayda vermir. Belə olan təqdirdə Azərbaycan məcbur olacaq ki, yenidən öz hərbi gücündən istifadə etsin. Qeyri-qanuni silahlı birləşmələrin ərazilərimizdən çıxarmağın başqa yolu qalmır”.
