Azərbaycanlı modelyer-dizayner Ləman Məhəmmədzadə, Azərbaycan şou-biznesindəki kişi müğənnilərin səhnə geyimləri barəsində danışıb.

AZXEBER.COM- a danışan modelyer Azərbaycan şou-biznesindəki kişi müğənnilərin əksəriyyətinin getdikləri məkanlara uyğun geyindiklərini söyləyib:

“Təbii ki, kişi müğənnilərdə kişiyə xas geyimləri olmalıdır və onlar öz auditoriyalarını nəzərə almalıdırlar. Sevindirici haldır ki, əksər kişi müğənnilər getdiyi məkanı nəzərə alaraq geyinir. Hərçənd ki, bəzi müğənnilər geyimlərində hər zaman eyni stilə, tərzə üstünlük verirlər. Bu isə əfsuslar olsun ki, onlarda monotonluq yaradır. Ancaq onlar bilməlidirlər ki, səhnədə yalnız gözəl musiqi və mahnı ilə kifayətlənmək olmaz. Müğənnilərimiz çalışmalıdır ki, mahnıları ilə yanaşı, geyindikləri geyimləriylə də insanların gözlərini oxşaya bilsinlər”.

L. Məhəmmədzadə şou-biznesdə zövqlü geyinən kişi müğənnilərin adlarını da açıqlayıb:

“Zövqlü geyinən kişi müğənnilərdən Mir Yusif, İlqar Muradov, Zamiq, Namiq Qaraçuxurlu, Ədalət Şükürovun adlarını çəkmək olar. Ümumiyyətlə kişi müğənnilərimiz nəzərə almalıdırlar ki, dəb dünyasında qadın geyimlərində olduğu kimi, kişi geyimlərində də hər fəsil yeniliklər olur”.

Ozal İbrahimli