"Bu gün cənab prezidentin apardığı uğurlu daxili və xarici siyasət nəticəsində Azərbaycan tək döyüş meydanında deyil, həm də diplomatik cəbhədə qalib ölkədir".
Bunu AZXEBER.COM-a açıqlamasında "BİG Media" MMC-nin direktoru Emil Əkbərov deyib.
Emil Əkbərov bildirib ki, Ağdamdan sonra Füzulinin və Zəngilan rayonların mina xəritəsinin alınması buna sübutdur:
"Cənab prezident İlham Əliyevin dövlət başçısı seçildiyi gündən bu günə kimi apardığı daxili, xarici siyasət, islahatlar və ordu qurculuğunun hər biri ərazi bütövlüyümüzün bərpasına yönəlmiş addımlar idi. 44 Vətən müharibəsində əldə edilən qələbə və Ermənistanın kapitulyasiya məcbur edilməsi bu illər ərzində görülən işlərin möhtəşəm nəticəsidir. Bu gün Azərbaycan qalib və diqqtə edən ölkə kimi şərtələri müəyyənləşdirən tərəfdir. Artıq Ermənistan da yaxşı başa düşür ki, Azərbaycanla müharibəni davam etdirmək onun ölkə kimi mövcudluğunu şübhə altına salacaq. Çünki bu gün Ermənistanın və havadarlarının qarşısında 90-ci illərin əvvəllərində olduğu ki, başsız və siyasi gücü zəyif olan Azərbaycan yoxdur. Ən önəmlisi isə o illərdən fərqli olaraq Azərbaycan ordusu müasir silah-sursat, müasir hərbi texnika ilə təchiz edilən, yüksək döyüş qabiliyyətinə malik dünyanın 50 güclü ordusu sırasındadır. Sentyabrın 27-də başlayan və 44 gün davam Vətən müharibəsi Azərbaycanın gücünü və siyasi qüdrətini bütün dünyaya göstərdi. Hətta bu gün bir çox güclü dövlətlər qısa müddət ərzində düşməni darmadağın edərək ərazi bütövlüyümüzü bərpa edən qalib Azərbaycan ordusunun təcrübəsini öyrənməyə çalışır".
Emil Əkbərov vurğulayıb ki, 30 illik həsrətə son qoyaraq ərazi bütövlüyümüzü bərpa edərək adını Azərbaycan tarixinə qızıl həriflərlə yazdıran Ali Baş Komandanın siyasi iradəsi və diplomatik gücü sayəsində əldə etdiyimiz mina xəritələri bizə Qarabağda yenidənqurma işlərini daha tez tamamlamaq üçün imkan yaradacaq: "Əminəm ki, bu proses davam edəcək və digər rayon, şəhərlərin də mina xəritəsini əldə edəcəyik. Çünki cənab prezident İlham Əliyevin rəhbərliyi ilə Azərbaycan bu siyasi gücə malikdir".
