Neftçala rayonunda qətl hadisəsi baş verib.Bu barədə Neftçala rayon Polis Şöbəsindən məlumat verilib. Məlumatda bildirilir ki, hadisə ötən gün saat 20.00 radələrində Neftçala rayonunun Oryad kəndində qeydə alınıb. Kürkənd sakini, 1990-cı il təvəllüdlü Bağırov Rüfət Afət oğlu münaqişə zəminində Oryad kənd sakini 1989-cu il təvəllüdlü Əsgərov Aydın Məhərrəm oğlunu ürək nahiyəsindən bıçaqla vurub. Aydın Əsgərov Neftçala Mərkəzi rayon Xəstəxanasına çatdırılsa da, həkimlər onu xilas edə bilməyiblər.
Rüfət Bağırov saxlanılıb. Qətlin səbəbləri istintaq tərəfindən araşdırılır.
Faktla bağlı Neftçala rayon Prokurorluğunda cinayət işi açılıb, araşdırma gedir. //APA
