Hüquq mühafizə orqanlarının keçirdikləri əməliyyat nəticəsində hadisəni törədən 55 yaşlı kişi yaxalanıb
Ötən gün Oğur rayonunda baş verən ağır cinayətlə bağlı bəzi məqamlara aydınlıq gətirilib. Oğuz rayon prokurorunun köməkçisi Ruslan Ağayevin verdiyi məlumata görə, Muxas kənd sakini 1958-ci il təvəllüdlü Binyamin Məmmədalı oğlu Yusifov həmkəndlisi 1987-ci il təvəllüdlü Rüfət Eynulla oğlu Salamovu ov tüfəngindən güllələyib. Güllə Rüfət Salamovun ciynindən dəyib. Güllə yaxın məsafədən açıldığı üçün öldürücü olub. Rüfət Salamov aldığı xəsarətdən ölüb. Hüquq mühafizə orqanlarının keçirdikləri əməliyyat nəticəsində 55 yaşlı kişi yaxalanıb.
Saxlanılan şəxs rayon prokurorluğuna verdiyi ilkin ifadədə bildirib ki, hadisəni qısqanclıq zəmnində törədib. Belə ki, Rüfət Salamov ilə Binyamin Yusifovun qızı arasında sevgi münasibət olub. Bu səbəbdən də, Binyamin Rüfəti güllələyib.Faktla bağlı cinayət işi başlanıb, araşdırma aparılır.(ANSPRESS)
