Yasamal rayon Məhkəməsi falçılıqla məşğul olan Nəzakət Nəsibovaya qarşı qaldırılan iddia üzrə məhkəmə prosesində Məmmədovlar ailəsinin iddiasını təmin etməyib.
Bu barədə iddiaçı Fikrət Məmmədov məlumat verib. Onun sözlərinə görə, hakim Ayaz Məmmədov N. Nəsibovanın xeyrinə qərar çıxarıb: “Falçının vəkili Yaşar Məmmədovdan soruşdum ki, sən Nəzakət xanımın öncəgörmələrinə inanırsan? Mənə verdiyi cavab “hə” oldu. Düzü buna çox təəccüblənmədim. Məni daha çox hakim təəccübləndirdi. Görünür ki, hakim özü də falçının öncəgörmələrinə inanır. Yoxsa ortada bu boyda fırıldaq olduğu halda, niyə iddiamızı təmin etməsin ki?
Məndə olan məlumata görə, Ayaz Məmmədov Nəzakət Nəsibovanın daimi müştərisidir. Mən hesab edirəm ki, hakim bu qərarı subyektiv səbəblərinə görə çıxarıb”.
Qeyd edək ki, bir neçə gün əvvəl Məmmədovlar ailəsinin ektrasens Nəzakət Nəsibova tərəfindən aldadılmasıyla bağlı məlumat yaymışdı. Məlumatda bildirilirdi ki, baxıcı ailənin xanımı Zeynəb Məmmədovanın ona inamından istifadə edərək 2007-ci ildən etibarən ondan külli miqdarda pul alıb. Zeynəb və Fikrət cütlüyünün boşanmasına və 650 min dollarlıq villalarının satılmasına səbəb olub. Ailə aldadıldığını başa düşdükdən sonra isə onunla bağlı hüquq-mühafizə orqanlarına şikayət edib.
Sözügedən məsələ ilə bağlı ətraflı məlumatı aşağıdakı linklərdən ala bilərsiniz:
///AzNews.az
