Azərbaycanda iki qadın döyülərək evdən qovulub.
AZXEBER.COM Lent.az-a istinadən xəbər verir ki, bu barədə Azərbaycan Uşaqlar Birliyinin sədri Kəmalə Ağazadə məlumat verib. O bildirib ki, iyulun 3-də 2 qadın fiziki zorakılığa məruz qalıb:
"Qadının birini içki düşkünü olan atası və qardaşı 7 yaşlı övladının gözü qarşısında döyüb və onu 37-ci Polis Bölməsinin əməkdaşları Sosial Xidmətlər Agentliyinin Sosial Sığınacağına yerləşdirilənədək müvəqqəti Azərbaycan Uşaqlar Birliyi-Uşaq Sığınacağı Reinteqrasiya Mərkəzində reabilitasiya keçəcək”.
Onun sözlərinə görə, digər qadını əri evdən qovub:
"Digər qadın da gecə saatlarında ərinin fiziki zorakılığına məruz qalaraq, evdən qovulub. Qaradağ rayonu 10-cu Polis Bölməsində şikayət ərizəsi var. Ekspertizadan da keçirilib. Hazırda mühafizə orderinin alınması üçün qadını Qaradag rayon İcra Hakimiyyətinə yönləndirmişəm. Hər iki qadına dəstək olmağı aidiyyatı qurumlardan - Ailə, Qadın və Uşaq Problemləri üzrə Dövlət Komitəsinin, Əmək və Əhalinin Sosial Müdafiəsi Nazirliyinin, Bakı şəhər Baş Polis İdarəsinin rəhbərləri və əməkdaşlarından rica edirəm”.
