"Bizim mediadan, medianın da deputatdan gözləntisi çoxdur. Biz bir-birimizin maraqlarını təmin etməyə çalışırıq. Mən ümumiyyətlə, medianın yazmasının, medianın yaxşı işləməsinin, ümumiyyətlə, məlumat almasının tərəfdarıyam. Amma Azərbaycanda media da tam olaraq qərəzsiz deyil”.
Bu sözləri AZXEBER.COM-a müsahibəsində Milli Cəbhə Partiyasının sədri, Milli Məclisin deputatı Razi Nurullayev deyib.
O bildirib ki, Azərbaycanda müxtəlif hərflərin birləşməsindən yaranan minlərlə səhifə var:
"Təəssüflər olsun ki, müxtəlif hərflərin birləşməsindən yaradılan minlərlə səhifələr var və onlar özlərini ciddi media kimi göstərmək yolunu tutsalar da, bir çoxu şantajla məşğuldur, reketlə məşğuldur, müxtəlif, mediaya aid olmayan işlərlə məşğuldurlar və onlar yerli-yersiz nəyinsə müqabilində və nəyə görəsə yaxud kiminsə tapşırığı ilə ayrı-ayrı adamları hədəfə alırlar”.
Mikayıl Mirzəzadə
