Üç ay öncə itkin düşən qadının meyiti Kür çayında tapılıb.
AZXEBER.COM-un Daxili İşlər Nazirliyinin saytına istinadən verdiyi məlumata görə, aprelin 14-də Sabirabad rayon sakini Aygün İsmayılovanın üzərində zorakılıq əlamətləri görünməyən meyiti Kür çayının Hacıqabul rayonunun ərazisindən keçən hissəsində aşkarlanıb.
Araşdırmalar zamanı A. İsmayılovanın bu il yanvarın 27-dən Sabirabad Rayon Polis Şöbəsi tərəfindən itkin düşmüş kimi axtarışda olması müəyyən edilib.
