“Bizim çox güclü siyasi xəttimiz və güclü siyasi iradəmiz var”.
Bu sözləri AZXEBER.COM-a açıqlamasında millət vəkili Aydın Abbasov söyləyib. Deputat 18 oktyabr - Azərbaycanın Dövlət Müstəqilliyinin elan edildiyi gündən bu günə kimi çox böyük inkişaf yolu qət etdiyini və bu inkişafın bütün dünya ölkələri tərəfindən yüksək qiymətləndirildiyini bildirib:
“Azərbaycan müstəqilliyini elan etdiyi gündən bu günə qədər öz dinamik inkişafı ilə bütün dünya dövlətlərinin müsbət rəyini almağa nail olub. Təbii ki, Azərbaycanın inkişafından narahat olan qüvvələr var və onlar inkişaf edən bir ölkə kimi bizə qarşı siyasi təzyiqlərdən istifadə etməyə çalışırlar. Onlar çalışır ki, Azərbaycan öz suverenliyini və müstəqilliyini onlara verib, istədikləri siyasətlə idarə olunsun. Ancaq bu gün bizim çox güclü siyasi xəttimiz və güclü siyasi iradəmiz var”.
Əfsələddin Ağalarov
