Ötən gün azərbaycanlı prodüser və aparıcı Humay Muxtarova özünə bəysiz özəl gün keçirtdi. Şəhər restoranlarından birində baş tutan doğum günü ilə yanaşı, prodüser nişanını da qeyd edib. Onu da bildirək ki, Humayın nişanlısı məclisdə olmayıb. Nişan bəysiz keçirən Humayın özəl günündə öz qohumları, şou nümayəndələrinin isə az bir qismi iştirak edirdi. Humay qeyd elədi ki, çox adamı dəvət etməyib.
Humayın nişan üzüyünü qızı Nuray anasının barmağına taxtdı və söylədi ki, atam səni çox sevir hər zaman xoşbəxt olun və ən əsası məni xoşbəxt edin. Humay adını gizli saxladığı səbəkarın yalnız baş hərfini qeyd etdi. Söylədi ki, onu çox sevir və çox qısqanır: "Bu aləmdədə və ətrafımdada məni sevməyən çoxdu, onun üçün ən məsləhətlisi adını gizli saxlamaqdır".
Nişanlısının işgüzar səfərdə olduğunu deyən Humay "Doğum günümdə nişanımı qeyd etmək nişanlımın ideyası idi. Özü Maltada işgüzar səfərdə olsa da, amma mənə dedi ki, nişanı mənsiz keçir. O, indi yanımda olmasa da, ürəyi mənimlədir. İnşallah Məhərrəmlik ayından sonra vətənə qayıdacaq və toy edəcəyik" dedi.
İkinci dəfə ərə gedəcək prodüser gələcək həyat yoldaşı ilə tanışlıq tarixçəsindən də söz açdı: "Biz, əslində, onunla 2 ildir ki, dostluq edirik. Maltada yaşayan azərbaycanlıdır. Mən inanmırdım, münasibətimiz dostluqdan sevgiyə çevrilər. Amma həyatın təsadüflərindən qaçmaq olmur. Evlənəndən sonra o, artıq şirkətini Azərbaycanda quracaq və burada yaşayacağıq. Nişanlımla hər şey qaydasındır. Əsas odur ki, bir-birimizi çox sevirik və inanırıq".
Ən əsas qızıma atalıq edə biləcək kişidir.(milli.az)
