AZXEBER.COM xəbər verir ki, MMA üzrə dünya çempionu olan həmyerlimiz Çinin paytaxtı Pekində brazilyalı rəqibi Bruno Amorimlə üz-üzə gəlib.
Döyüşün son saniyələrində rəqibini nakauta salan Heydər qalib gələrək, növbəti qələbəsini bayram edib.
İdmançı qələbə təəsüratlarını bizimlə bölüşüb: "Rəqibim güclü idmançı idi. Braziliyada jui jitsu üzrə qara kəmər almışdı. Jui jitsu isə elə bir idman növüdür ki, burada idmançı rəqibi ilə ancaq yerdə güləşir, onu boğmağa çalışır, əlini və ya ayağı sındırır. Mən də bunu bildiyim üçün döyüş vaxtı onunla güləşməyə üstünlük vermədim. 3 raund ərzində çox çətin döyüş oldu. Buna baxmayaraq, sonda isə ona güclü bir zərbə vurdum. Zərbənin adı “Overhand” adlanır. Zərbədən sonra rəqibim ayağa dura bilmədi və hakim oyunu dayandırdı. Beləcə mən də texniki nokaut ilə qalib gəldim".
Qeyd edək ki, Heydər Məmmədəliyev 1990-cı ildə Azərbaycanda anadan olub. 2007-ci ildən etibarən Qaydasız döyüşlə məşğul olan idmançı dəfələrlə Azərbaycan çempion olub. 2011-2013-cü illərdə pankration üzrə 2 qat Avropa çempionu, 2012-ci ildə MMA üzrə dünya çempionu olan həmyerlimiz, daha sonra peşəkar döyüşlə məşğul olmağa başlayıb. Sherdog.com saytında peşəkar olaraq qaydasız döyüşlə məşğul olan idmançıların reytinqləri qeyd edilir ki, reytinqi yüksək olan idmançıları beynəlxalq yarışlara dəvət edirlər. Heydər Məmmədəliyevin də adı sherdog.com saytında yer alıb.
Həmyerlimiz brazilyalı idmançını məğlub etmə anını təqdim edirik:
