AZXEBER.COM-un məlumatına görə, bu barədə azərbaycanlı model Validə Abbasova Day.Az saytına açıqlamasında bildirib.

"Mənim şou-biznes nümayəndələri ilə heç vaxt problemim olmayıb, onların mənimlə problemləri olub. Bu da ki, mənim günahım deyil", - o əlavə edib.

O hesab edir ki, yerli şou-biznes nümayəndələrinin çoxu öz stillərinin qayğısına qala bilmirlər.

"Məncə, bizim səhnədə bu gün yalnız Səfurə Əlizadə və Nigar Camal gözəl görünürlər. Bundan başqa da gözəl və zövqlü müğənnilərimiz var, lakin onları televiziyada çox göstərmirlər. Televiziyada təbliğ olunanlar estradadan çox sirkə bənzəyir", - o qeyd edib.

Modelin xoşuna gələn kişi müğənnilərimiz isə Elnur Hüseynov, Samir Cavadzadə, Xəyyam Nisanov və "Orange Versace" qrupunun üzvləridir.