Azərbaycanlı model ilə türk aktyoru ilk dəfə olaraq izdihamlı tədbirə qatılıblar.
Rəsmi nikahdan sonra başları 29 sentyabr tarixində keçirəcəkləri möhtəşəm toylarına hazırlaşan “Best Model of the World-2010” yarışmasının ikincisi, azərbaycanlı modelGünay Musayevailə həyat yoldaşı, tanınmış türk aktyoruTolqa Karelilk dəfə olaraq izdihamlı tədbirə qatılıblar. Trend-in əldə etdiyi məlumata görə, cütlük Günayın münsif olduğu “Best Model of the Turkey-2011” yarışmasının yarımfinalında çıxış edib. Media mənsubları tərəfindən izlənsələr də, bu, onların əhvalına heç də mənfi təsir göstərməyib. Yarışmanın fəxri prezidenti Erkan Özerman və Türkiyə şou-biznesinin populyar simalarının qatıldığı yarımfinalda Günay digər qaliblərlə birlikdə səhnəyə çıxaraq, podiumda nəyə qadir olduğunu bir daha sübut edib. Qeyd edək ki, bu ilin sonlarında planlaşdırılan “Best Model of the World-2011” yarışmasında Azərbaycandan qatılan iştirakçının seçilməsi üçün yaxın aylarda Bakıda da “Best Model of the Azerbaijan-2011” yarışması keçiriləcək. Tam detalları açıqlanmasa da, müsabiqənin təşkilatçıları qismində Musayevanın da adı hallanır. Trend-ə İstanbuldan telefonla məlumat verən Günayın sözlərindən məlum oldu ki, o, “Best Model” olmuş modellər və layihənin prodüseri ilə birlikdə gələn həftə Azərbaycana səfər edəcək. Onların gəlişi müsabiqənin finalına vəsiqə qazanacaq modellərimizin hansı şərtlə seçiləcəyi ilə bağlı olacaq.
