Məşhur estrada müğənnisi Ayan Babakişiyeva sevənlərini təəccübləndirməyə davam edir. SİA-nın məlumatına görə, müğənni yeni, kreaktiv fotosessiya çəkdirib. Ayan, 2013-cü ilin rəmzi olan qara su ilanı obrazını alıb.

Müğənninin bu görünüşü üzərində stilist Səbinə İmanova çalışıb.

Onu da xatırladaq ki, Çin təqviminə görə, 2013-cü il qara su ilanı ilidir. Yeni il 2013-cü il fevralın 10-da daxil olacaq və 2014-cü il yanvarın 31-dək hökm sürəcək. Əgər “2012 əjdaha ili” Çin kişi simvolu “Yan”a məxsus olan kişi xüsusiyyətlərinə malik idisə, “qara ilan ili” əksinə, qadın simvolu “İn”in xüsusiyyətlərinin daşıyıcısı olacaq. İlan məkrli və zəhərli heyvan olduğu qədər də müdrik və səbirli heyvandır. Onu Avropa ölkələri qorxulu və ölümcül hesab edirlər, lakin Asiya ölkələri üçün ilan müdriklik, zəriflik, intellekt rəmzidir.